الثلاثاء , نوفمبر 12 2019
الرئيسية / نبض القلوب مع حسام أبو العلا / ” إشارة حب ” .. قصيدة للشاعرة جيهان النجار

” إشارة حب ” .. قصيدة للشاعرة جيهان النجار

 

فيه جوايا شئ قاسي

بينهش كل احساسي

بكل غرور ويتكبر

وأنا ع السلم المكسور

كأن النفس مسكونة

وبارقص رقصة

مجنونة

ولا شافنى سواد الليل

ولا يطلع علي نهار

ما بين الحيرة والأفكار

مشاعر حب

مكتومة ومحكومة

تعيش العمر فى الضلمة

مابين الذنب واستغفار

فابقضيها مع سومة

بين الحيرة والحرمان

وطول الصبر والغيرة

وحتى اللوم صبح عيرة

مفيش تصبيرة

غير الدمع والاحزان

وتصرخ كل انحائى

وتتألم

مفيش جوايا غير الأه

بتتكلم

مفيش ولا ايد لا بتطبطب

ولا تسلم

ولا حتى سلام عابر

أشارة حب

حتى من بعيد لبعيد

أنا من حقي ساعة عيد

مفيش ولايوم فى فرحة

مفيش ضحكة بطعم

جديد

مفيش ع الوش غير

تجاعيد

مفيش ولا نظرة مفهومة

فبرجع تانى من تانى

أصبر نفسي بجناني

وأقول يابت علشاني

برغم السكة مرسومة

ومحسومة

مفيش الا هوى سومة

واقضيها مع الحرمان

وكل ما سومة توجعني

أحس كمان

أعيش العمر موجوعة

وممنوعة من الأفراح

أعيش العمرفى الغنوة

واقضى حياتى فى

الألحان

عن محمد فتحي الشريف

شاهد أيضاً

حسناء فؤاد تكتب : اسميتهُ بحراً !!

ولمحتهُ جالس أمام البحر كعادتهُ .. فى يدهِ فنجان قهوته محبوبته السمراءُ … حلاها بزيادة …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.