الرئيسية / أخبار / ننشر اهم رسائل الرئيس السيسي للشعب المصري
عبدالفتاح السيسي

ننشر اهم رسائل الرئيس السيسي للشعب المصري

صوت الشعب:

-أتقدم للقطاع الطبي في مصر بكل التحية والتقدير والشكر. تخوضون معركة مثل الحرب .. أنتم تخوضون حربًا كبرى.

– مش بنخبى عليكم أى شيئ يخص فيروس كورونا.

– انا مش عايز اخوفكم بس بقول للمصريين عايزين نعدي ال14 يوم الي جايين بأقل خساير عشان إن شاء الله نبقي عدينا مرحله مهمه ونعبر الفتره دي.

– ماخبيناش عليكم حاجة من أول الأزمة ورغم ذلك بيتم التشكيك برده. طب هنخبي عليكم ليه؟ هل الأمر قاصر على مصر فقط؟ لا ده في الدنيا كلها وأثاره على الدنيا كلها. احنا مش استثناء. نتعامل بشفافية كاملة. مستكترين إن ربنا حتى الآن محافظ علينا؟ وبالأخذ بالأسباب العلمية اللي بنعملها.

– مش عايزين ننسى إن التشكيك جزء من استراتيجيتهم ومنذ 80 عاما وليس فقط منذ ظهور الأزمة. هنفضل طول ما احنا عايشين معاهم بيشككوا فينا. نتعامل بكل شفافية وخلينا نقعد أسبوعين كمان بمزيد من الالتزام والمسؤولية والانضباط. عايزين نلتزم علشان نخلي الأرقام متزيدش، أسبوعين بس كمان.

– معندناش أي مشكلة في السلع فبلاش الناس تشتري بزيادة ولا تخزن السلع وتزود العبء على نفسها

– أشكر كل قطاعات الدولة التي تعمل على مدار الساعة وأشكر القوات المسلحة والشرطة المدنية وأشكر الإعلام الذي يقوم بدور رائع بصراحة. الأمر لم ينته حتى الآن.

– لما قولت اننا خصصنا 100 مليار جنيه لازمة كورونا لقيتهم بيقولوا هتجبوهم منين ؟ “هو احنا قليلين ولا ايه” .. ولولا خطة الإصلاح الاقتصادي ما صمدنا الآن.

– بنتمنى نخرج من الأزمة بأقل الأضرار. الضرر مش اقتصادي بس لا، الأهالي غالية علينا. منحبش أبدا أن أهلننا كالتزام انساني وأخلاقي وديني كمان أنهم يتضرروا. ساعدونا بصمودكم وإصراركم. عايزين نعدى الـ 14 يوما اللي جايين بأقل الأضرار. لو قدرنا نعمل كده يبقى بدأنا نعبر مرحلة صعبة.

– ساعدونا يا مصريين، عايزين مزيد من الالتزام والانضباط الاسبوعين دول عشان انتشار فيروس كورونا ميبقاش كبير في مصر.. عملنا اجراءات عشان نقلل حجم الاختلاط بين الناس.. احنا ١٠٠ مليون وبالتالي لازم ناخد بالنا اكتر من كدة..

عن yehyia soot

شاهد أيضاً

حزب صوت الشعب بالمنوفية يشارك في حملة تطهير وتوعية ضد كورونا

كتبت ايمان مصطفي شقير شباب حزب صوت الشعب بالمنوفية يواجه كورونا بالتطهير والتنظيف ونشر الوعي …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *