الرئيسية / منوعات / “الخوارج” .. شعر / جيهان النجار

“الخوارج” .. شعر / جيهان النجار

كل الحكاية ان انا

بالي مهوش رايق

باستأذن القلب خمسة

جايه في دقايق

هاجيب نهار الهوي لابس ومتعايق

هاوصل لغاية حبيبي ثانية في خيالي

ندرن عليا لاولع دستتين أفكار

واعمل بأجرة باحبك كل مابدالي

واخللي يومك ف عيني كل ساعة نهار

يابو المقام كسوته

مغزولة من كرامات

ليلتك بدون حوارات

أجمل ما فيها سكات

قالوا علينا حبيبي إننا مهاويس

نادي علي اهل الفرح

حبة عيال مقاريص 

قطعوا علينا النور

وبيحدفونا بزور بيقولوا فينا

اننا مش أصلنا  دراويش

اشاعات وماليه البلد وفيه كلام طراطيش

بيشككوا فينا

بيقولوا جوز مجانين

وبيسألوا دول مين

وعشان مقام الهوي ياحبيبي له مريدين

طلعوا خوارج باحبك

يهدموا قلبين

ويقولوا فين الهوي 

ويسنوا في السكاكين

 

عن محمد فتحي الشريف

شاهد أيضاً

الأمير هاري يحتفل بالأطفال اليتامى على طريقته الخاصة

صوت الشعب  لم يتمكن الأمير هاري، ودوقة ساسكس ميجان ماركل، من حضور حفل عيد ميلاد …