قصيدة  “تكويني” للشاعرة جيهان النجار

*********************

كل ما أفتح الراديو مع التليفون

والحنفية والتليفزيون

ميكروفونات حديد×حديد

بتتكلم عن التجديد

لدين أمى وأبويا

ودين أهلى ودين ناسي

وكياني واحساسي

طب أجدد تليفونى

وعفش البيت وستايره

وعرشه قديم وبحايله

واجفف دمعة أختى البكر

وأخويا شاب قهر وفكر

طب أجدد سيناريو

العيشة وحوارها

واصنعاها وادورها

والينها واشكلها

وازينها

وأطول فى حدود نيلها

دانا بس أتوب م الشرك

وأجدد برامج السرك

من التطبيل

مع المونتاج

والتهليل

وخدع السيما

والتصوير

أجدد ليه

وأجدد مين

دأنا عايش

على القدرة

مع الفطرة

ليوم الدين