الرئيسية / منوعات / الشاعرة جيهان النجار تكتب : “مولانا ” .. !!

الشاعرة جيهان النجار تكتب : “مولانا ” .. !!

جناب الحاضر الغايب… واحشني  كتير

اقول لك حاجة  وتصدق ؟

انا بابدأ معاك العمر

وكأنك صباح الخير

كأن عيونك الشمسة

كأن وجودك الهمسة اللي بتنجيني م التفكير

وبتفوقني من روحي

وبتقومني من نوحي

وبتوديني لملامحي  كأني باطير

يامولانا تعالي الدنيا ويانا

هنا في خدمتك فراشات

وحور وبدور ومهرجانات

 هنا ألحان  هوى صافي

هنا ياعمنا دافي

هنا حواديت  وهمس ولمس وعوافي

هنا مفروش نغم وحرير

ياسيدنا… تعالي الحقنى وانجدنى من التوهان

مفيش سكة توصلنا لأي مكان

ورحمة  كلمة ماتت شوق

ورحمة قلب مات مخنوق

ورحمة عشق طالع فوق

بيحمل شكوته لله

يا مستهتر

مفيش من حبي ليك ف السوق

مفيش من طعم إحساسي

تعالي ودوق

مفيش تاني خلصت خلاص

معادشي من الهوي بعدي

أنا آخر  فصوص الماس

ولو معجبشي يابن الناس

مابين الشاري والبايع

باحبك برضو  بالعافية وبالإحساس

عن محمد فتحي الشريف

شاهد أيضاً

الأمير هاري يحتفل بالأطفال اليتامى على طريقته الخاصة

صوت الشعب  لم يتمكن الأمير هاري، ودوقة ساسكس ميجان ماركل، من حضور حفل عيد ميلاد …