الرئيسية / منوعات / سمر زكريا النادي تكتب : ليه عايشين بعيون غيرنا ؟

سمر زكريا النادي تكتب : ليه عايشين بعيون غيرنا ؟

 

 

أحنا ليه (عيشين بعيون غيرنا ، ليه بنحب الحاجة اللي في نظر الغير جميلة يعني مثلا لو بنت اشترت فستان وفعلا جميل ليه متحسش بقيمة ده رغم أنه اختيارها الا لما حد يقولها (واو تحفه) ولو اختيار جوزها او مامتها ومكنش عجبها وحد قالها (ذوقه جميل وهينطق عليكي) تغير نظرتها له وتتحول وممكن يبقي هو المفضل عندها ..

 ليه لازم أخد رأي الناس في لبس او ديكور بيتي او الوان مساحيق تجميلي ، ممكن أخد رأيهم وميبقاش في مشكله بس لما أكون مكونه قرار لااااازم أكون أنا كيان له قرار ورأي أصرخ في وش الضعف ينطق بذاتي وحقيقه وجودي كشخص مستقل ،بشوف ستات كتييييير جدا بتتباهي بأن جوزها او خطيبها بتجري وراه البنات وتترمي في طريقه وتنهار من نظراته وعقله وثقته في نفسه و…و… طيب وبعدين كده حبيتيه اكتر كده أطمنتي لقرارك ولا بمعني ادق وأوضح اكتر انتي كده رضيتي جواكي انك رفضاه او مش مقتنعه بيه!  ايوه للأسف او ده اللي كان نفسك فيه طب كده هتتحملي انه مش اللي كنتي حبه يكمل معاكي رحلتك  ؟

 الصح ان لو مجوزه حد سئ جدا شكلا واجتماعيا ومقتنعه بيه او حلو جدا وزي الفل  في الحالتين مش هتتكلمي عنه لأنك حبه اختيارك  ومؤمنه بيه ومرتحاله  ومندمجه فيه لدرجة الانشغال ومهما كان  نظرت الأخرين مش مهتمه تعرفيها  اساسا ، ممكن  كمان لما تكون الزوجه  في قمة غضبها من زوجها وحد يقولها والله بس طيب بتتحول علي الرغم ان ده مش موضوعنا ولا له علاقه بزعلها منه ليه بقى !؟

 أقولك ليه عشان ببساطه أحنا اتعودنا نعيش ونحب حياتنا في عيون الأخرين منفرحش ببيتنا الا لما نلونه من بره عشان اللي يشوفه من بره يتبهر بيه ومش مهم يكون مفهوش سعاده جواه البس فستان غالي ومجوهرات كتيير عشان يقولوا دول معاهم واحنا فاضين وفقرا جوانا وللاسف ده الي بيحصل في امور كتير زي الجواز  مثلا عشان كده وصلنا لعدد رهيب من اولاد من غير أسر مترابطه متفاهمه مبنيه علي الحوار  والقرار المشترك وصلنا لبيوت مهدمه وأعداد رهيبه من الملفات في محكمة الأسرة عشان اخترتي راجل شكل اتحسد عليه منصب وفلوس حجات تخلي البنات تغير مني اساسيات ضعيفه بتنهار بينكو مع اول ازمه حقيقيه مع اول حوار بكتشفي فيه انكوا مختلفين تماما ولايمكن تتلاقوا بس مينفعش  تنتهي العلاقه بردو عشان شكلنا في عيون الناس كل حاجه في حياتنا ارتبطت بشكلنا في عيون بعض فأصبح مجتمعنا هش لأنه مبني علي نظرات ولقطات   …وأخيرا أحنا ممكن نقلب هرم لكن لا نستطيع الجلوس عليه والا أنهار بنا من احد جوانبه .

 

عن محمد فتحي الشريف

شاهد أيضاً

ما بين تفتيح البشرة وإنبات الشعر “أدورا “هى كلمة السر

ظهر فى الاسواق منذ فترة منتج جديد بأسم أدورا يحتوى على كريم لتفتيح البشرة والمناطق …