الرئيسية / منوعات / هند الهلاوي تكتب : حال البشر .. !!

هند الهلاوي تكتب : حال البشر .. !!

مين مننا ما عش وجع

وجرح ما بين الضلوع

 

مشتنا الحياة في طريق

مفيش منه أمل للرجوع

 

والوشوش اتلونت مية لون

وتحجرت في عيونها الدموع

 

وفي خلق وبشر علشان

تعيش وسطهم لازم ركوع

 

وفي اللي بيتسلق جبل

عالي ومايخاف م الوقوع

 

واللي بيرمي نفسه في بحر

ومش عامل حساب الطلوع

 

وسايب لأهله ذكرى وحسرة

وصراخ وعويل بصوت مسموع

 

واللي شد الرحيل وسافر صحاري

وملاقش في طريقه غير العطش والجوع

 

واللي حضن غربته ومجناش

غير المرض والحساب مدفوع

 

واللي زرع احلام في بستان

حنظل  بدون سيقان وجذوع

 

والي بيسجد لربه ومفيش

في قلبه له أي خشوع

 

واللي اتزرع في ارض مالحة

واتقلع من غير غصون وفروع

 

واللي اتكوى  بنار إرهابي

وقلبه عاش بجرح موجوع

 

واللي قتل شعوب وخرب

بيوت وقلبه كان منزوع

 

ليه بندفن الامل والحلم

وضميرنا اتخلع من الجذوع

 

واللي نسي أحزانه وآلامه

ويسأل ايه هو الموضوع

 

واللي بيتحرق علشان

ينور لغيره مثل الشموع

 

هما البشر أصناف فيه

 السليم وفيه المقطوع

 

عن محمد فتحي الشريف

شاهد أيضاً

أبو عيانة رئيسا لنادي الصيد بالتزكية

تولى منذ قليل المستشار عبد العزيز أبو عيانة مقعد رئيس مجلس إدارة نادي الصيد بالتزكية …