ولأنك تستحق أن تحيا بعافيه… ابتسم بقلم كارمن رحال

صباح سعيد عليكم حبات القلوب
صباح كله إبتسام وهو ده الكلام
البسمه صدقه الفقير قبل الغني
البسمه عباده
تفتح للرزق أبواب السعاده، وللقلوب عمر وذياده
ليه كلنا مكشرين كده ؟؟!
ومهمومين أوي بلدنيا
هتقولواأيوه….
دي من هناك مش من هنا
ولا شايفه حاجه زينا
دي بينها مرتاحه وقاعده قاعده براح وراحه ولا عمرها شافت أسيه، ولا وجع قلوب ولا مرت علي حاجه من ديه، ولاالعيال اللي بتنهي القلب ولا اللي بيروح ومالوش ياولداه ديه، ياعم فكك من الست ديه، دي نتاشه وكله عندها ميه ميه
هقولك.. بس بالراحة وحياتك عليه
داانا جوايه بهيه.. وصبر أيوب
وربك وحده العالم بيه
بس الوجع لو ذاد عليه
لاأب ولاأم هيحن عليه، ولاحد عادبيطبطب ولا يمسح دمعه بهيه’!

هو النكد شرع ياساده؟!!
وكله بقا قهوته ساده’!!
ولا أنتوا خدتوا الهم عباده
كله بئاعلي النغمات ديه!؟
فوق ياواد انت وهيه
مطلوب شويه حنيه
سيبك بئا من الحركات ديه
ربك كريم عالم بلنيه
يلا بئا وكده كفايه

نبدأ ونجعل بسمتنا بدايه
أبتسم وأغضب بجد
علي إللي قلبه بيوم ما حب
ولا صدق فعله النيه
إعمل اللي عليك
وقول بقلب،،،، معايا رب
يسلمك ياأسطي عطيه
ويذيد جمالك يابهيه
ابتسم،،،،،،،،
تصغر الدنيا في عنيك
وتلاقيها بين اديك
حب قلبك وإللي فيه
حب بيتك
حب شارعك
مهما كان الليل طويل
أبتسم
مهما كان المر فيه
أبتسم
احضن الفرحه بعنيك
خوفي كله لا الوجع يسكن حيطانك فرشتك
حتي دموعك فرحتك
مش هتلاقيها ولا تلاقيك
حب وأفرح
يلا وأضحك
القلوب لو يوم قست والزمان جاير عليك
هتلاقيك زي الحجر
تمشي علي أشلاء بشر
متقطعه والدم نازف
قبل منك منهم
وحيات عيونك ابتسم
وحيات شبابك ابتسم
هتلاقي جوه الضلمه نور
متهيأه كل الامور
يعوضك فرحه دهور
ربك غفور
بس ابتسم
وبالمحبه إترسم.

 

الوسوم

مقالات ذات صلة